Pantun Sunda Oke

Lamun dayang dahar noga
kudu daek nya meulina
Lamun hayang asup sorga
Kudu getol nya solatna ?

 Kaleuweung rek melak tomat
dibaturan teh ku sobat
eweuh obat nu mujarab
iwal ti ngajalankeun sholat

Ngala tutut ka talaga
Alat na pacul ayakan
Kitu patut hayang sorga
solatna oge jarang pan?

Lamun ulin ka talaga
balikna sok barang bawa
lamun urang hayang surga
jalana nyaeta takwa

5. Daun salasih ngareluk
di seumat ku awi beulah
nu asih ka pada mahkluk
di rahmat ku gusti alloh

6. Ka Ema silaturahmi
Teu hilap nyandak seupaheun
Jalma nu alus budi
Pasti loba nu resepeun

7. Kamana jalan ka asia
tuh kaditu ka palih wetan
kamana jalan ka surga
tuh kaditu ka pangaosan

8. Ka pasar meser ragaji
Ragajina tinggal dua
Boga budak pinter ngaji
Nu reueus pasti kolotna

9. Ka warung meuli katuncar
Sakalian meuli jahe
Mun budak kedul diajar
Hanjakalna ke geus gede

10. Mun engke ka Bojong Menje
bakal nguriling jalanna
mun diajarna talangke
bakal kaduhung ahirna

11. Mawa peti dina sundung
ditumpangan ku karanjang
pangarti teu beurat nanggung
tapi mangpaatna panjang

12. Samping kageutahan dukuh
dikelab dikacaikeun
nu matak urang sing kukuh
papatah guru turutkeun

13. Angeun hurang sapariuk
bawangna ngan dua sihung
ulah mungpang ka piwuruk
bisi akhirna kaduhung

14. Salila milu ka dinya
teangan roda padati
salila hirup di dunya
teangan elmu pangarti

15. Rujak cikur rujak bebek
Loba nu rek ngadaharna
Jalma nu sok gede ambek
Bakal kaduhung ahirna

16. Ngawuluku ngawalajar
kudu dibaladah heula
dina waktu rek diajar
hayu urang ngadaro’a heula

17. Lamun poek nyeungeut lilin
teu pati caang seuneuna
ulah ngalobakeun ulin
bisi kaduhung ahirna

18. Haur Geulis linggar jati
Meser ayakan jeung nyiru
Urang kudu pinter ngaji
Tah dangukeun bapa Guru

19. Singgetol nginum jajamu
nu guna nguatkeun urat
singgetol neangan elmu
nu guna dunya aherat

20. Ulah ngala cocongoan
Bisi ruksak tangkal manggu
Ulah waka bogohan
Bisi sakolana kaganggu

21. Lauk emas ngakan ganggeng
disamberan ku japati
boga emas moal langgeng
teu cara boga pangarti

21. Nendeun siwur luhur sumur
nunda batok wadah gula
rejeung dulur kudu akur
ulah osok parasea

22. Cai limun dina papan catur
Buah kadu na buruan
Lamun hayang loba batur
Kudu akur jeung babaturan

23. Aya cai dina gelas
di asupkeun kana botol
lamun hayang naek kelas
di ajarna kudu getol

24. Datang tamu mawa waluh
ema malah neangan suluh
tuh tinggaleun sholat subuh
nukitu jelma teu puguh

25. Datang tamu tukang kolor
sibapa kalahkah molor
tuh tinggalen sholat lohor
nukitu hatena kotor

26. Kutu anying jadi supir
tumila jadi wadana
kudu eling kudu mikir
di dunya mah moal lila

27. Kutu anying jadi supir
kolotna keur nyieun sumur
kudu eling kudu mikir
maot mah teu nempo umur

28. Aya mobil warna silver
dipake keur ngala pare
Lamun maneh hayang pinter
Ulah loba teuing sare

29. Mun teu bisa kajakarta
ulah indit mawa kuda
mun teu bisa mere harta
ulah pedit ku pang do’a

30. Hangasa bawa ti gunung
dipipit bawa di rawa
Kasaha nya sumalindung
nitipkeun raga jeung nyawa

31. Hayam jago eukeur bela
dipeuncitna ku ki santri
Kudu getol ka sakola
sangkan beunghar ku pangarti

32. Ka kulah nyiar kapiting
ngocok lobak bobodasna
Ulah sok liar ti peuting
osok loba gogodana

33. Kanikir siki kanikir
cangkudu beunang panimu
Kapikir beuki kapikir
hirup kudu loba elmu

34. Lauk emas ngakan ganggeng
disamberan ku japati
Boga emas moal langgeng
teu cara boga pangarti

35. Mawa peti dina sundung
dibawa ka nusa Jawa
Pangarti teu beurat nanggung
kabisa teu beurat mawa

36. Memeh ngagelarkeun kasur
samak heula ambeh rineh
Memeh nyaritakeun batur
tilik heula awak maneh

37. Ngala lauk meunang selar
bungkusna daun Hangasa
Sakur mahluk nu gumelar
dirahmat ku Nu Kawasa

38. Nimbang pare deukeut pager
tumpukanana ngajajar
Tinimbang jeung udar-ider
leuwih hade ge diajar

39. Papan kiara ditatah
iraha jadi lomari
Mun bisa miara letah
mokaha salamet diri

40. Mawa ragi ka Cilutung,
tikukur ngudag saeran.
Boh rugi atawa untung,
kudu sukur ka Pangeran

41. Kacisigung ciganea,
cipageran cilamaya,
anu agung aloh tea,
pangeran urang sadaya

42. Mawa menyan ditilaman,
ragaji anu mang usup,
kaimanan kaislaman,
nu jadi patokan hirup

43. Ngala supa na kibeulah,
na timana icalan manyarna,
sagala rupa masalah,
pasti aya jalan kaluarna

44. Kabaya samping keur elap,
ngala hui cuang opatan,
baraya teu kenging hilap,
kedap deui urang Jum’atan

45. Meulah jok ulah kugayung.
pa marta dulur kang ruhyat
ulah sok resep adigung.
da harta mah moal dibawa kaakherat.

46. Melak Leunca Na Pipiti
Aya Simeut Dina Ja’at
Sing Loba Eling Ka Gusti
Bakal Slamet Dunia Akhirat

47. Ninyuh ubar ku cipati
Diwadahan piring gelas
Anu sabar eta pasti
Ku Allah dipikawelas

48. Semar mesem astrak jingga
Cepot nenggel gatot kaca
Lamun anjeun haying bagja
Getol shalat akhlak mulia

49. Najan kuring panen gedang
Moal poho kaparaji
Najan raga urang parenggang
Tapi jiwa urang ngahiji

Salewe dua lima..
Hate kodok di colok-colok..
Awewe jaman ayeuna..
Make anderok pa pondok-pondok..

Manuk ciung na pisitan..
Buah nangka aratah keneh..
Mun dicium kunu kumisan..
Sabulan masih karasa keneh..

Mak tarasi tutung..!
Keun urang balikeun..
Mak si nyai pundung..!
Keun urang kawin keun..

Cikaracak Cikareucik..
Cai hujan, ditandean..
Budak leutik ulah ceurik
Bisi ditinggang, ku taleunan..

Cing kiripik satulang Sabajing..
Saha nu kacapit Jadi Munding..
Cing cangceuling manuk cicing ditampiling..
Saha anu cicing pasti jadi Munding..

Kaso ponok kaso panjang..
Kaso ngarumay ka jalan..
Sono monok sono nganyang..
Enying ge urang bakal pateupang..

Caang bulan opat belas..
Kacai di tiyung anuk..
Aya mojang matak waas..
Da arloji ge menang nganyuk..

Kaso pondok kaso panjang..
Kaso ngaroyom ka jalan..
Sono mondok sono nganjang..
Sono lawas teu papang dijalan..

Aya bajing mawa tiwu..
Ka imah sia teu aya sasaha..
Wilujeng enjing ka sadayana..
Mugi-mugi sing sajahtera..

Batur mah bajuna hideung..
Kuring mah kabaya bae..
Batur mah di pikatineung..
Kuring mah sangsara bae..

Kang jajang ka ondangan..
Ceu lilis mawa karanjang..
Mun hayang gadis leunjang..
Teu kudu kokorandangan..

Aya nangka digembrong laleur..
Dibawa ka jakarta..
Disangka jalmi bageur..
Eh padahal ngabalieur..

Cangkang cau di pulungan..
Cangkang leupeut di piceunan..
Ari hulu di tiungan..
Ari etaeun teu di tutupan..

Meuli ganas keur nu gering..
Mawana poe lebaran..
Ku kulutus teu diubaran..
Yeuh nyieun status weh nu komentaran..

Tukang ketan make rancatan..
Nawisan ka urang wetan..
Lamun tuang dihajatan..
Ulah hilap kudu ngamplopan..

Nendeun siwur luhur sumur..
Nuna batok waah gula..
Rejeung batur kudu akur..
Ulah osok parasea..

Saninteun buah saninteun..
Saninteun di parapatan..
Hapunteun abi hapunteun..
Bilih aya kaleupatan..

Ka mana nya nyiar kulit..
Suara siujang na dahan..
Ka mana nya neangan duit..
Supaya menang kadaharan..

Rincik rincang rincik rincang

aya roda na tanjakan

Sidik pisan sidik pisan

nyai teh bogoh ka akang..

Cikaracak ninggan batu

Laun-laun jadi legok

Nincak ruhak dina batu

Laun-laun ngagorowok

Budak leutik bisa ngapung

Eta kalong ngrana

Botak saeutik jiga celempung

asa hayang ngarampana

Iwung bungkulna maju

nangka tangkalna dibabad

Indung tunggul rahayu

Bapak tangkal darajat

Daun hiris dibeungkeutan

dibawa ka juru masigit

Anu geulis ngadeukeutan

hayangeun dibere duit

Opat baris salah nyambung

mun tukang kakara ngabangun

Omat geulis ulah pundung

mun akang kapaksa nyandung

Aya listrik di masigit

caangna kamana - mana

Aya istri jangkung alit

hanyakal geuning waria

Kaso pondok kaso panjang

kaso ngaroyong ka mimbar

Sono mondok sono nganjang

sono ngaloyor ka kamar

Saha we nu bade nyangke

kamari abdi nu ngajagi

Bebende nu hade hate

pamatri ati nu sajati

Colenak enak dicocol

Komo mun tambah kalapa

Beletak pitak ditakol

Poho mun sirah mitoha

Cikaracak ninggang batu

laun-laun jadi legok

Tai cakcak ninggang huntu

laun-laun nya dilebok..

Aya roda na tanjakan

katinggang ku pangpung jengkol

Aya randa gogoakan

katinggang ku pohpor banpol

Batok kohok wadah huut

meuli eunteung jang bikeuneun

Budak montok gede hitut

nyeri beuteung, jeungjeuriheun

Kembang cula kembang tanjung

kembang sagala domdoman

Rek sabulan rek sataun

moal weleh diantosan..

Pedah kuring kuralang kuriling

ucing ge'ring ngahariring

Tengah peuting jempaling jempling

kuring nyaring hayang ngising

Hayu urang mupu tiwu

ohan malah mobok pagu

Huntu linu murukusunu

bongan tara ngosok huntu

Mulung tanjung tengah gunung,

meunang cangkilung saguruntul

Nurus tunjung mbah dukun

ceunah nulung malah rahul

Ka Jampang mawa pakarang

ajang pe'rang makalangan

Ka akang naha sale'mpang

akang sayang ngan ka yayang

aya tempe nuju dibaceum
ngadamel tempe nepi ka lieur
abdi aya hate ka anjeun
naha anjeun ngabalieur

payun bumi meuni barala
bumi kosong taya nu gaduh na
mikacinta ti baheula
mugi leres aya jodo na

cau dijero bungkusan
cangkang cau meuni rujit
baheula mah nyaah pisan
ngan ayeuna malik ijid

aya jalma gampang pundung
sikep pundung kudu dipiceun
kaduhung matak kaduhung
kapungkur bogoh ka anjeun

ka Bandung kuring ka bandung
sukajadi keur marema
kaduhung kuring kaduhung
heunte jadi ka manehna

kamari ulin ka samarinda
trus nyimpang ka bima
kuring mah da urang sunda
nyebat ka indung teh emak

diluhur aya bandera
bandera gambar panda
naha kuring kudu era
pan ieu teh basa sunda



Jauh jauh manggul awi
nyiar-nyiar pimerangeun
jauh-jauh neang abdi
nyiar-nyiar pimelangeun

Aya listrik di masigit
caangna ka Pabrik Kina
Aya istri jangkung alit
hanjakal teu di calana

diputer-puter paseukna
ari pek beunang talina
diincer-incer lanceukna
ari pek meunang adina

itu gunung ieu gunung
gunungna gunung arjuna
itu pundung ieu pundung
pundungna bet duanana

aya oplet maju ngidul
kuring wawuh ka supirna
diajar teh ulah ngedul
bisi kaduhung ahirna

Majar maneh nganyam samak
neukteukkan bari motongan
majar maneh neang anak
ngadekeutan popotongan

kuma suling kuma suling
suling teh ngan silung wae

Kuma kuring kuma kuring
kuring teh ngan bingung wae

Manuk ciung na pisitan
buah nona aratah keneh
dicium kunu kumisan
si nona kalahka jebleh

Poe salasa tumpak kuda
kuda paninggalan walanda
urang mah urang sunda
atuh pake basa sunda

kangkung diasakan ku randa
ngeunah pisan rasana
angklung teh asli ti sunda
kuring nu bogana

aya pawang buhaya
pawangna ulin ka persia
kudu nyaah kana budaya
bisi dicolong ku malaysia

hayang ulin ka gunung gede
di gunung aya buhaya
urang sunda sing harade
sing nyaah kana budaya

ulin ka jalan juanda
sawaktos bulan puasa
mun ngaku urang sunda
tong poho kana basa

Rincik rincang rincik rincang
aya roda na tanjakan
sidik pisan sidik pisan
nyai teh bogoh ka akang

Cikaracak ninggang batu
laun-laun jadi legok
tai cakcak ninggang huntu
laun-laun nya dilebok

Cikaracak ninggang batu
laun-laun jadi legok
cai …. ninggang ….
laun-laun jadi orok

Kembang cula kembang tanjung
kembang sagala domdoman
rek sabulan rek sataun
moal weleh diantosan

Aya roda na tanjakan
katinggang ku pangpung jengkol
aya randa gogoakan
katinggang ku hulu botol

aya jalma teu boga alis
sabab getol dikerokna
neng geulis tong gumeulis
sabab rujit nenjona

baju teh apan disewakeun
disewakeun ku indung sia
basa sunda sok atuh gunakeun
saeuncan diaku ku malaysia

aya huma dekeut situ
eta huma nu bogana randa
naha urang sunda teh kitu
alim nyarios ku basa sunda

Tah ari anu ieu dihandap mah
Sanes jieunan sim kuring, tapi pantun teh sasuai anu dicaritakeun ku pun nini.

majar maneh rek ka huma
ka cai ngajingjing kendi
majar maneh rek karunya
lila-lila nganyeyeri



kamana ngaitkeun kincir
sakieu panas poena
kamana ngaitkeun pikir
sakieu panas hatena

cau ambon dikorangan
korangna ka pipir-pipir
manehna ambon sorangan
urangna teu mikir-mikir

samping hideung dina bilik
kumaha nuhurkeunnana
abdi nineung ka nu balik
kumaha nuturkeunnana

Aya hiji balon rek bitu
sabab kagencet ku buhaya
naha urang sunda teh kitu
mopohokeun kana budaya

Aya jalma teu boga banda
sadayana tos dipasihkeun
angklung teh ti tatar sunda
naha urang bet mopohokeun

ulin ka laut banda
naha jadi nalangsa
kuring teh urang sunda
kuring nyaah kana basa

di kebon sato aya panda
panda ngahakan kangkung
budayakeun budaya sunda
bilih lapur kawas angklung

paingan cacing barijil
halodo katinggang hujan
paingan teu genah cicing
kabogoh aya nu neang

baju hejo dibulao
kembangna katuncar maur
seubeuh nenjo ti bareto
geus gede dikawin batur

Majar maneh cengkeh koneng
kulit peuteuy dina waru
Majar maneh lengkeh koneng
kulit beuteung meuni nambru

Categories: PANTUN SUNDA